例牌出發前都要影番張機場相,行程係香港 -> 韓國轉機 -> Las Vegas(短暫停留) -> 再飛Miami -> 轉機 San Jose, Costa Rica
係韓國等轉機時食嘅人蔘煲雞。
又整一張;已經到達Las Vegas,由於有幾個鐘頭至轉下一班機,唔可能唔出去visit一下呢個咁出名嘅罪惡城。
睇個格局都唔似Las Vegas啦,係喇,已經到達城市San Jose, Costa Rica;個感覺除咗D人個樣之外就好似去咗曼谷。
無錯喇,北美嘅人去Costa Rica就等如我地香港人去泰國渡假一樣,今次我地就去咗人地嘅泰國。
相入面嗰碟就係最地道嘅Rice and Beans, Lonely Planet話:「 The diet consists largely of rice and beans – and beans and rice – and any combination thereof。」
喺San Jose停留一晚就出發去La Fortuna, La Fortuna最出名嘅就係睇活火山Volcán Arenal
我地成班人企左喺九哩遠嘅Viewing Point睇到少少溶岩流落嚟,全場已經哇哇聲,但係就因為太多雲望唔到山頂噴溶岩,唔夠完美。
之後同人傾開至發覺其實我地都幾好彩,因為有時天氣實在太差,佢地只係齋企,仲要被雨淋。
當地食嘢都幾好架,少肉多菜多豆多生果(圖中呢碟例外,所以先至影),啱晒我地呢D無飯夫妻。
享受Costa Rica特產 – 咖啡。
逗留喺La Fortuna期間天氣一直唔係太好,直至有一朝早太陽出來了,就係嗰十分鐘陽光,就令我租左架綿羊仔。一出發,已經無晒陽光,其實一俾完錢嗰刻已經無晒,但係無落雨,都算數,照出車;去到第一個境點瀑布。
好想游近個瀑布感受下D威力,但係D水好凍,掙扎好耐之後終於落左水……十秒左右,凍到打晒冷震上番水。
行完影完相就去下一個境點 – hanging bridge,意外就發生喇,架綿羊仔唔夠力,我喺發覺之後已經懶勁好科學咁行之字形上斜,又試過炳到盡衝上斜,可惜技術受制於機件,Janice最後都要落車行。
其實落車都係行一小段斜路,同埋我都會跑番落斜同佢一齊行。
千辛萬苦上到去圖中嘅hanging bridge, 係咪見唔到有bridge呢,就係因為去到時剛剛下午四點,佢就話:「We are closed.」
回程嘅時候仲離譜,D雨大到連坐後座嘅Janice都話打唔開對眼,而我只係用一條線咁幼,一成嘅視力去揸車,好彩條路好少車,夠晒驚險。
天氣始終麻麻地,有時直頭好差;咁我地決定去下一站 – Monteverde,
呢個表情略嫌浮跨,唔夠Pro;攝影技術亦有待改善。
走廊盡頭就係我地住嗰間房,二十蚊美金連厠所,仲有個共用嘅厨房。
坐喺呢張「吊椅」到睇書幾舒服架,我地都「托」左兩張番香港。
二十蚊美金算好好。
外面都有D景睇下。 
參加左一個local tour喺夜晚行森林睇動物、植物和昆蟲,呢張相就係個樹洞入面有隻大蜘蛛。
之後個生態導遊同我地講話搵到樹懶(Sloth),當我地衝過去睇嘅時候就中晒招,全部人都俾Army Ant(軍隊蟻)爬入條褲入面,咬人超痛,隔住條褲係咁打,返到酒店除條褲簡直屍橫遍野。
呢間餐廳嘅牆紙就係D遊客嘅創作。 
玩Zip-Line,大約就係有條鋼纜綁住兩個山頭,然後你就好似動作巨星咁嗱住條皮帶滑過去咁啦。
Free Fall,十層樓高,佢可以控制快慢,但係Janice好猶豫咁話快,最後變左超慢。
玩到好污糟。
並唔係玩到咁污糟,只係普通行完街。 
樹懶(Sloth),個個俾$入森林睇佢,都未必睇到架,點知喺搭車途中就免費任睇。
又到左下一站 – Samara,有好寧靜、好靚嘅沙灘,好舒服,好懷念……
等車接我地睇海龜生蛋,架車遲成粒鐘,唯有玩貓。
喺呢到終於可以慢慢嘆晚餐,因為喺其他餐廳成日要同D烏蠅鬥快食。
D甜品仲好好食添。
出海浮潛時有海豚和我們追逐,船主話海豚喜歡船所翻起嘅浪;跟住聽到佢怪叫一聲,發晒矛咁加油,原來見到鯨魚,仲有兩條添,但係佢地好怕醜,好快就潛水走左。
海龜就一D都唔怕醜喺到交配,船主話佢地會做三十六個鐘,唔怪得知每次都生過百隻龜蛋啦。
執左好多貝殼留念,但已經悟知放晒喺邊。
沙灘D沙好幼好靚;仲有好多型男索女玩滑浪所以我都唔執輸租塊滑浪板嗱住周圍走扮型男。
每日就係食飯同去沙灘。
所以曬到好黑。
日落太平洋一夠鐘就好多人睇日落、影日落。
國家隊隊長
寄明信片俾自己。
回到San Jose久違了的Canada Dry;係到食飯時有隻小強喺天花板跌左落去Janice隻手臂到嚇到佢大叫,隔離D人都比佢嚇親。
離開Costa Rica,往Miami出發,可以見到我地嗰兩張「吊椅」。
去到Miami最想做嘅就係睇NBA。 
等入場 
個個爭住要同奧尼爾合照。 
Miami Heat - World Champion 
五十蚊美金一張飛,加埋charges要六十幾美金,第三十六行。
Janice係聖誕節正日唔舒服,喺酒店休息,咁我就偷出去再睇多場NBA,今次正價飛淨番D百幾蚊美金嘅,所以就買黃牛,衰心急,太早落嗒,用左七十五蚊美金買左一張原價二十三個半嘅飛,不過入到場有位坐就算啦。
Honeymoon最後一站Las Vegas。 
Las Vegas係最令人疲累嘅一站,無論食野、睇show,全部都大排長龍。D酒店、賭場又超大,指示又超差,入到去好似迷宮咁點兜都兜唔番出去,好攰。
M&M專賣店,乜顏色嘅朱古力都有。 
斷磅計超貴,呢到幾呀蚊港紙。
晨咁早坐小型飛機去大峽谷。
好大風、凍到嘔。認住呢間野唔好參加,做生意一D都唔老實;唔係到詳細講,想知就問我地。
胡佛水壩(Hoover Dam)好彩只係食左小小野,因為暈機浪作嘔,後半程全程揸住個嘔吐袋。
Coke Cola專賣店
特大老虎機,一蚊美金一舖,係正巴士站隔離,等巴士都唔放過,玩番手。
Hummer,大食怪;大明星至愛,美軍軍車都用佢。 
Las Vegas – Fremont Street,有個全球最大天幕display,可惜夾唔到時間,只睇到廣告。
1 則留言:
GOOD trip !!!!
發佈留言